أغنيـة للأم

أغنيـة للأم
ميسلون هادي

لو صار عمرج ستين
تبقين بنت العشرين
بعيوني آني أشوفك
كلما كبرت تحلوين

مو بالخصر مو بالقد
مو بالوجه من ينشد
بالسفرة لمن تنمد
وعاشت ايدج وتعيشين

بالوجه الحلو بيه معنى
بالقلب الحلو الجامعنة
هذا الي يسوى المغنى
وهذا اللي تفرحله العين

محلاك يا أم الفوطة
يا أم كعدة المضبوطة
عمرك شجر بلوطة
وكاشان تدومك تبقين

أم العراق وأمنا
يا بعد أبونا وعمنا
يارب طول العمر يمنا
بلمتنا دومج تبقين